“السر اللي شركات المقاولات مش بيقولوه… إزاي مشروع 5% يجيبلك 100% ربح؟”

ناس كتير بتسأل:
إزاي شركة المقاولات تقول إن نسبة الربح في المشروع 5%، بس في نفس الوقت يبقى عندها عائد على الاستثمار (ROI) يوصل لـ 100%؟

الموضوع بسيط جدًا…

لما شركة مقاولات تشتغل في مشروع قيمته 10 مليون، ونسبة الربح فيه 5%، يبقى الربح = نص مليون.
بس الشركة مش بتدفع الـ10 مليون كلهم من جيبها.

هي ممكن تكون دفعت من جيبها مليون أو أقل في أول المشروع (تحضيرات، عمالة، توريدات)،
والباقي بيعتمد على دفعة مقدمة ومستخلصات من العميل.

يعني الشركة كسبت 500 ألف، وكانت مستثمرة فعليًا مليون بس.
يبقى العائد على الاستثمار = 50%.
ولو كانت مستثمرة أقل، ممكن يوصل لـ 100% أو أكتر كمان!

فاللي بيهم الشركة فعلًا مش نسبة الربح على قيمة المشروع،
اللي بيهمها هو أنا كسبت كام مقابل كل جنيه طلع من جيبي؟
وده اللي اسمه

ROI
وده اللي بيفرق في قرارات الشركة… تكمل؟ توسّع؟ توقف؟

ملحوظه :- لو عايز تعرف طرق دراسات الجدوي للمشاريع و تقيم المشاريع الانشائيه اتكلمنا عنها في ورشه عمل ال

PMP

بتفاصيل ممتعه 👌❤️